Ratnaih kalpitamaasanam himajalaih snaanam cha divyaambaram
Naanaaratnavibhuushhitam mrigamadaamodaankitam chandanam.
Jaatiichampakabilvapatrarachitam pushhpam cha dhuupam tathaa
Deepam deva dayaanidhe pashupate hritkalpitam grihyataamh .. 1
Sauvarne navaratnakhandarachite paatre ghritam paayasam
Bhakshyam pajnchavidham payodadhiyutam rambhaaphalam paanakam.
Shaakaanaamayutam jalam ruchikaram karpuurakhandojjvalam
Taambuulam manasaa mayaa virachitam bhaktyaa prabho sviikuru .. 2
Chhatram chaamarayoryugam vyajanakam chaadarshakam nirmalam
Veenaabherimridangakaahalakalaa giitam cha nrityam tathaa.
Saashhtaangam pranatih stutirbahuvidhaa hyetatsamastam mayaa Sankalpena
samarpitam tava vibho puujaam grihaana prabho .. 3
Aatmaa tvam girijaa matih sahacharaah praanaah shariiram griham
Poojaa te vishhayopabhogarachanaa nidraa samaadhisthitih.
Sajnchaarah padayoh pradakshinavidhih stotraani sarvaa giro
Yadyatkarma karomi tattadakhilam shambho tavaaraadhanamh .. 4
Karacharana kritam vaakkaayajam karmajam vaa.
Shravananayanajam vaa maanasam vaaparaadham.
Vihitamavihitam vaa sarvametatkshamasva.
Jaya jaya karunaabdhe shriimahaadevashambho .. 5