Seva Puja Bandagi, Sabhi Aapke Haath,
Main To Kachu Jaanu Nahi, Aap Jaano Bholenaath,
Shiv Samaan Data Nahin, Vipatti Vidhaaran Haar,
Lajja Sabki Raakhiyo, Shiv Bailan Ke Asavaar.
Singh Chaddhey Durga Miley, Garud Chadhey Bhagwaan
Baila Chadhey Baba Miley, Puran Ho Sab Kaam,
Koi Kahe Kailashpati, Koi Kahe Bholenaath,
Jabarnaath To Mai Kahoon, Rakhiyo Sir Par Haath
Bhej Raha Hoon Prem Pushpa, Hey Bhole Tujhey Rijhaaney Ko,
Hey Bhuteshwar Bhootnath, Tumhein Sabki Yaad Dilaaney Ko
Baba To Kailash Base, Sang Mein Gauri Ganesh
Sab Bhakton Ki Vinati, Darshan Devo Mahesh
Kali Durga Vindhyaachal, Naam Ratein Sab Koi
Maiya Ke Darbaar Se, Khali Jaaye Na Koi
OM Naam Mein Saar Hai, Naam Japo Bholenaath
Bigde Kaaj Savaarta, Baba Dinaanath
Baba Ke Durbar Mein, Khade Sabhi Kar Jod,
Dene Waala Ek Hai, Maangat Laakh Karod
Baba Baba Sab Kahen, Maiya Kahe Na Koi
Bab Ke Darbaar Mein, Maiya Kahe So Hoy